((( انا اللى الجروح مليانى ))) بقلم محمد دويدار‏

‏محمد دويدار‏ 

انا اللى الجروح مليانى
والدنيا ما سيبانى فى حالى
وعشان الحبيب بعانى
والدنيا عمرها ماحسانى
والقلب قسى وحزن
من بعدها مين تانى
وكمان بقى انانى
ما هيا اللى عجبانى
عشت سنين حياتى
اتمنى تتحقق احلامى
ولما اتحققت احلامى
الفرحة مكنتش سيعانى
ويارتها مااتحققت الامانى
دى الدنيا زلانى
عشان الحبيب غالى
بسهولة كدة نفترق
اه ما الدنيا كرهانى
ودا امر بسيط عندها
ودايما كدة افلانى
طب اعتبرينى (يادنيا)ابنك
دا حتى الضنا غالى
بدل ما انا متبهدل
ويصعب على الكل حالى
وبقيت ذى المجنون
تاية فى احزانى
وبقيت ذى الطفل
مش عارف يمينى من شمالى
ونسيت اسمى الى كان
دايما على بالى
ونسيت صحابى
وعشرتى وجرانى
وبقيت حاسس انى وحدانى
وأه منك يا دنيا
ياللى شقلبتى كيانى