قصيدة بالعامية ((( أ حلام مؤجـــلة ))) للشاعر ـــ """ فتـــحــي وجـــبــه """ــ

انا عايش دايما علي فكره .

انا سايب احلامي ل بكره .

انا بسهر ايام وليالي .

انا سارح دايما بخيالي .

ولا فارق بكره من امبارح .

ودايما داير مع فكره ..

انا بحلم بدنيا خياليه .

ومراكب حب معديه .

توزع حمولتها علينا .

ونعيش في دنيا ورديه ..

انا سابح في بحر ظنوني .

انا ساكن دايما في همومي .

انا عاشق دايما من يومي .

لقلوب طاهره .. ونقيه ..

تمشي للخير مسافات .

تمحي هموم وآهاااات .

تعمل خيره العبادااات .

توزع فرح . ابتسامااات .

علي كل قلوب منسيه ..

انا بحلم والحلم مباح .

تكون كل قلوبنا سماح.

وننسي اي هموم وجراح .

وحياتنا بالخير مرويه ..

انا بحلم . وبحلم . وبحلم .

ومش لاقي لحلمي نهايه .

انا عايش دايما علي فكره .

انا سايب احلامي ل بكره ..

انا سايب احلامي ل بكره ..

""فتحي وجيه""