يلا الحق عصر السرعه
وكل شىء بالتليفون
ما تتحركش من مكانك .
هاقولك بحبك بالتليفون
ولو تعبت او مرضت
هاطمن عليك بالتليفون
لاقدر الله لو حتى مت
هاعمل معاك واجب محصلش
هقرالك الفاتحه بالتليفون
بس افتكر انى بحبك
حتى الود لسه موجود .
بردو بالتليفون
ايوه يا آخى مستغناش عنك .
هاسئل عليك بالتليفون .
ونقول الود راح فين
وانتا ياعمى وانتا ياخ.
نفسى اشوفك قبل ماموت
قبل ماترفع سماعة التليفون
فاكرين زمان
لما كنا ويا بعض .
لما كنا حس واحد .
نيض واحد جمب بعض .
فاكرين اما كنا عيله
احلى عيله كلنا مع بعض
كنت ساعتها بحس بالامان
لو قلت آه الاقى ايد عمى
ايد خالى او اخويا او جيرانى
لما ساعتها كنا مع بعض
وصبحنا بعصر مجنون
آمال أيه عصر الآيفون
عشان نسمع صوت بعض
اللى قرب البعيد والود مدفون
مش كفايه اسمع صوتك
عايز احس بيك
عايز امسك ايديك .
زى زمان ياخال ..
زى زمان يا عم
زى زمان ياصحاب ويا جيران .
بس بعد ده كله
لو تعبت او اشتقت او حنيت
ابقى ارفع سماعة التليفون
ابقى ارفع سماعة التليفون
""يحي زكي""
ليست هناك تعليقات:
إرسال تعليق