عايز اقول ألف باء
واشوف جمال الحصص
واحمي دماغي م الغباء
الغاء يا جهل اتحبس
انا ليل عشعش ع البيوت
انا حلم مولود ف الكفن
بتغيب احلام العنكبوت
لما خيوطه تدفن
وبسافر بخيالي الواسع
وبنط الصوره والمنظر
واتمخطر بالبالطو الناصع
وبعلاج العين راح تبصر
واتمخطر بالروب الاسود
وانفخ صدري كمان قيراطين
واترافع ف قضايا وأسرد
وافند ادله و براهين
واتمخطر بالخوزه البيضه
وابني خيالي ف عمارتين
واشاور لصنيعيه وفعلا
شهر واحد مش شهرين
ويخبط كتفي الفراش
وناولني ضرب وقلمين
سبني ياعم ضربها طناش
وانا فوقت ع دمع العين
"""مصطفي احمد"""
ليست هناك تعليقات:
إرسال تعليق