يادى القرف على الجهل
اللى سحبنا وراه
والعِلم مال به الدهر
وعجز ياخدنا معاه
وأحوال تجيب القهر
على اللى الودان سمعاه
ونشوف فى عز الضهر
شنابات كتير ركباه
الشيخ عنتر أبو الطوابير
من مس الجن يشفيهم
وحريم قالعه وزوج ما يغير
لما الشيخ يعريهم
ودنيا نصب مالها كبير
وأه حب الجهل ماليهم
يِِجروا فى زعابيب أمشير
يروحوا النار برجليهم
يا مولانا العريس مربوط
فى ليلة الدُخلة نجينا
وخلى الليلة دى تفوت
وحلاوتك أنت فى عينينا
دا عمله فى التُرب محطوط
وفكه سهل فى ايدينا
متين ورقة ودِيك مظبوط
وبكره الصبح يهنينا
وكام صبح ما بيعدوا
ولسه العريس مايل
ركبوا القطر وما هدوا
ودم جهلهم سايل
على الشيخة بيتعدوا
والبغل على القفا شايل
حمام ورومى بيتنقوا
ودم عِلمى أنا فاير
كلام فاضى ياريت مليان
خلى العقل فكره حزين
نروح لنصب واد تِعبان
ولأى حاجة نقوله أمين
وقصاده عقلنا بيتهان
ونبقى بجد ناس مجانين
ما اقرأ أية فى القرآن
لكن من جهلنا ناسين
""محـــمد ضــباشــة ""
ليست هناك تعليقات:
إرسال تعليق