انا مش اد الفراق لكنه مكتوب علينا
ارتعش صوتى كلام واضح تقراه عينينا
متشبكة فيه الحروف
متشكلة رسم خوف
لما ابص لبكرة اشوف
ممدودة اوهام ايدينا
لو تقدرى حبى غيرى
لو اقدر اغير مصيرى
عالى نبضى وصوت ضميرى
لية كنا فى دة بس ابتدينا
حلم كان اتفسر كابوس
درس من اقسى الدروس
ضحك الزمن بوجة عبوس
النهاردة فى بكرة ماضينا
خرس حتى نبر العتاب
انطوى سطر الكتاب
كنا بقينا اغراب
لية اتولدنا لحياتنا جينا
همشى وحدى الطريق
اخلط السراب حقيق
فى بحر الامانى غريق
تنهيد الذكرى يواسينا
اضم لاحضانى السهاد
اجمع شوك طرح البعاد
ينزف الم االفؤاد
قدر اتكتب علينا
قلم / حاتم صلاح
ليست هناك تعليقات:
إرسال تعليق