( اطَمِّني )
.........
ماكرهتكيش ... ولاحتى ناوي أكرهك
.
ولاهنسى يوم كان قلبي هوَّ بيسمَعِكْ
.
لكن كرهت اليوم أكيد يوم ما رتضيتي أعشقك
.
وطلبتي مني أكون حبيب , وكمان قريب من موضعك !!.
وانا قلبي طيب بالقوي ,
ووافقت أطاوع مطلبك
.
كنت افتكر انه الغرام وانا دوبت فيه ... راح ينفعك
.
أتاريني كنت باعيش خيال , والفكره اني أشغلك
.
كنت ( الُمَسكِّنْ ) للفؤاد , وكلامه ( هو َّ ) بيوجعك !!
.
و ( الكَبش ) كان ديما فدا ,,
وبلحمه ديما يطعمك
.
ما اقدرش ألوم , ولايوم أعيب ...............
.
أصلي أنا ..... كنت السبب , وكلامي كنت باسمعك
.
كنت افتكر ان الغرام ,
ولا الكلام ممكن يعدِّل معدنك
.
مش هاشتكي ظلمك لربي أو بشر ..............
.
وانا عشت عمري أعشقك !!
.
أو ما تخافيش ؟
.
وانا قلبي عمري مايكرهك
.
ماكرهتكيش , ولا حتى ناوي أكرهك .
..........
بقلم الشاعر: حمدي القرشي
ليست هناك تعليقات:
إرسال تعليق