بلــــــــــــــــدنا
الله على خير بلدنا مليانه حب وحنيه
ساعه الاذان لما يأذن ساعة الشروق فى الفجريه
صوت الاذان لما بيدن صوت الديوك فى الصبحيه
والندى كاسى على الغطان ريحة الجناين ورديه
خدنى الحنين على اغصانها قولت فى غيطنها اتمشى شويه
عديت شوارع فيها بيوت ومشيت هناك عا الزراعيه
قابلت سالم وسط الغيط وشوفت خالتك نبويه
وكل واحد ماسك فأسه وبيزعو فى الملوخيه
الناس هنا مليانه بحب ولسه فيها الحنيه
وكل واحد خيرو لغيرو هنا القساوة منسيه
وفجئه شفت مضيا زمان عند التوته العلويه
كتبت اسم حبيبتى هناك حفرت اسمها بأديه
كنا بنقعد تحت الشجرة وكانت لينا الأمسيه
شافت منا غرام وحنين شافت فى عنيها وعنيه
وسئلت نفسى رحنا لفين وليه حكايتنا منسيه
ملعون ابو الويل والغربه ملعونه والله المدنيه
ضيعت احلى سنين عمرى وحياتى كانت ماديه
فارقت ليه الدار والغيط فارقت ليه الطبليه
يارتنى كنت ما روحت وجيت ولا ضاع زمانى بأديه
وعشت جمب حبيبتى فى غيط واملى فيها بعنيه
يا ترى راحت فين دلوقتى ويا ترى لسه ورديه
فكرانى ولا العمر لهاها والزكرى فيها منسيه
لسى قصيدى شيلاها ولا القصايد مرميه
الله يسامحك يا زمانى والله يجازى المدنيه
بقلم الشاعر : ابراهيم سعيد
ليست هناك تعليقات:
إرسال تعليق