وشوش غريبة
/_/_/_/_/_/_/_
وشوش مريبة
وشوش غريبة
وشوش نشوف فيها العجب
قاعدين بيفتواااا
نايمين بيصحوا
مش وراهم غير الزنب
فاكرينها تورتة
يقسموهاعلي هواهم
وكل. حتة
تكون معاهم
عايشينها كدبة
ومصدقنها
وبينشروا حوالينا فتن
ميعرفوش يعني ايه وطن
حبه بيجري في دمانا
ومااا نسوي جزمة لويضيع
دا كفاية علينا هوانا
نستنشقه في اجمل ربيع
وشوش مريبة
وشوش غريبة
وشوش نشوف فيها العجب
يقولوا قصة
ويحكوا فكرة
ومن جواهم قلة ادب
يمدوا ايديهم
يغموا عنيهم
ويمشوا سايقين العوج
لو عاشوا لحظة
علي ترابها
يأكلوا دقة
ويعوموا في نيلها
كانوا عرفوا
اد إيه رغم مرارها
هيا اللي صابرة
هيااللي باقية
لأخر الزمن
تمر بمحن
وجواها الامل
ان كل اصيل ليه كبوة
وراجعة اكيد تاني الضحكة
لشفايفها رغم المللل
وشوش مريبة
وشوش غريبة
وشوش نشوف فيها العجب
صدقوا جدودنا لماقالوا
متخافشي مرة من عدوك
خاف الف مرة من ابن بلدك
لو كان لقيط
احساسه مات
ابن التيت
وعاش معانا كل اللي فات
معجون بسم كأنه عفريت
وشوش مريبة
وشوش غريبة
وشوش نشوف فيها العجب
/_/_/_/_/_/_/_/_/_/_/_/_/_
محمدالباز
29/11/2015
ليست هناك تعليقات:
إرسال تعليق