همسات صباح
فيقي سمعي
فيقي سمعي زقزقة العصافير
......... والفجر شقشق والشمس عاطلوعا
لبس الحلا عالكون من بكير
........... والشمس فرحانة بطلت رجوعا
والحلو نايم وعرقان شوب كتير
............ وبرداية الشباك شوي مرفوعة
طليت لاصبح وشوف شو بيصير
......... تاري صباحا النور الخطوط مقطوعة
صار فنجاني يعمل الف تبصير
........ عيون نبعة حلى والسحر مشروعا
هلق لقيت الحل والتفسير
............ ليش القلب حبا وبالروح مزروعة
كون جمالا الرب حتى تصير
.......... حبي وشقايي وللشعر موسوعة
شو تمنيت اشرب قهوتي بكير
......... وعاصوت دقات القلب ياريتها بتوعى
بقلم الشاعر :اليان سمعان
الشاعر السوري المهجري
ليست هناك تعليقات:
إرسال تعليق