اشعار عبدالله العراقى
سناريو وحوار
قال وصينى ليك
ركز للكرسى على الارض
بكثر الوعود وكلاماك بصوت عاطفى
اعملك شبح جبان
وكون فارس لجواد عقيم
اجعل من نفسك فارس همام
اقولك
احبس شباب
احبس كمان
ركز للكرسى كمان وكمان
ورد وقال
انصحنى كمان وكمان
قال
اعمل مشروع ولم حوليك الناس
واعمل للناس شعار
يتردد ليل ونهار
وكثير عبيد تردد من غير ماتفيد
اقولك
اطلق طبال زمار
اعمية بالمال
هات كده كام ارجوز فنان
يحلوا الكلام والمكان
اجعل من كدبك كيان
سيب الحبل فى مكان
واقفل كام دكان وقول ارهاب
اطلق كلاب اطلق كمان
وقول حرب الارهاب مليه المكان
نصيحة
سافر كثير السفر مفيد
ماده تاكل فى الناس بالكلام
هات حسان بيكتب تمام
كدب على سمعان ابو ودان
وقالو كله تمام
وغرق البلد فى بحر النسيان
وصيتى ليك
ماتسمع كلام مخلص ولاصاحب حق
مهما كان
وسمع الكلام
ارجوز الزمان
صبح عندليب العصر والاوان
صبح يردد كلام الشيطان
وسمع الوصية
كلمة مكتوبه
وصبح استاذ النحنحة والتسبيلة
ابو شكل وسيم عايش زمن حليم
واصل حليم مات بالسرطان
وماكان فى يوم جبان
واجه الحقيقة
كما الرجال
ونكمل حديث الشيطان
لا تبص ليوم لجعان
ولا تنظر لصرخة نسوان
من كثر الالم على فراق العيال
ولايكون ليك قلب كمان
عيش سلطان
هارون الزمان
اعمل حفلة بيها نسوان
وهات كام شاب جبان
وهات بالفلوس شعراء
معدومى النفوس
اعميهم بالمال
طلعهم فى الاعلام
مع كام طبال
ولكل حمار رقعة شطرنج
تتاكل باى وقت
ويكمل كلامه الشيطان
بسناريو وحوار
تخصيص بالكلام
مهرجان يتقال
او كام كلمة فى جرنال
ومايموت كلام
طول مافى زمار
واصل الجبان بالزمان
ماليه مكان
وينسى الشيطان والسجان
ان الزمن دوار
ولابد ان الجعان
يصرخ من كثر الكلام
وينتهى حوار ابليس مع السجان
وماتنتهى حدائق الشيطان
بها حكام ابليس
نسيوا ان الانسان
بديتوا سناريو
واخره حوار
عبدالله العراقى
7/11/2015
ليست هناك تعليقات:
إرسال تعليق