مين اللي سرق مصر ؟
من الآلاف السنين ..تعبانبن
مرضي ... مخدوعين
أمرنا لله ومسلمين ...
بسأل والسؤال محيارنا سنين
مين سرق الآثار المنحوتين ؟
علي الجبال على ضفاف النيل
مين سرق مصر و زرعها ؟
هرب كمان قطنها
سرطن بذور أرضها ...
هجر ولادها الفلاحين
مين اللي خرب عقول شبابها ؟
سرق الفكرة اول مظهرت علي بابها
دبل ورودها .. موت جوانا اليقين
مين اللي سرق مصر ؟
نزل دموع آب وام محتاجين
هدم عشش الطيور
ضلم شوارعها وطفي علينا النور
موت فيها الفقير ...
مين اللي سرق مصر ؟
خلي الشحاته في دمنا
عري وشوشنا ..
خلانا نمشي مسطولين
مين يشيل زنب مين ؟
كنا بنتغزل زمان في الليل
دلوقتي منه خايفين
جوه البلد بنخاف
يجي البرد مفيش لحاف
ولا لقمه عيش حاف
سرق البلد شمال وبمين
مخلاش وسرقها بلاش
حتي الصبر سرقه ..
حتي الضمير باعه ..
نفسي اعرف مين هو مبن ؟
اللي خدرنا بكلامه
غمي عيونا المفتوحين
اللي أصدر قراره
قال شعب مصر متخلفين
لا سمعنا صوته ..
ولا هنحضر موته ..
ولا عارفين هو فين !!!!
يمكن شيطان في عقولنا
أو شوية شياطين
يمكن هوانا اللي اتعكر
يمكن غلطت اني افكر
مين سرق أعضاء ولادنا ؟
قلب .. عقل .. حتي القرنية
وخلي عيشة اهله ردية
موته وبيحيي مين ؟
اللي سرق مصر كان
في الأصل مش منها
لا شم هواها علي نيلها
ومكلش ابدا من طينها
صعب عليه فرحتها
""" مــحمد رضـــوان"""
ليست هناك تعليقات:
إرسال تعليق