بكرى النهر
دابت تلوج السهر ونبعت الكلمات
ومشيت سواقي الشعر ونبتت زهورا
زتيت شبكة فرح لالقوط السمكات
عبيت شعار الغزل شي الف صورة
شفت الفرح بياع قاعد ب هالشمسات
سالتو عاسعر وشو بتسوى الفاتورة
بعيد الفرح والحب شو بتكتر البيعات
الدنيي بكي انسى وعيش بسرورا
اكتب قصايد غزل وكتر الهمسات
وارسم سهم وقلوب عاجنح عصفورة
اترك خريف الحرف يكتب باّهات
يسطر قصايد عشق وحب اسطورة
بكرى النهر بيجف وبيوقفو التلجات
وننطر تشتي حرف لاتكمل الدورة
بقلم الشاعر :اليان سمعان
ليست هناك تعليقات:
إرسال تعليق