شعر / محمد رضوان
انا مش مصدقه انك حبتني ؟
رد عليا انا واقفه قبالك !!!
عرفني ليه حبتني .. ؟
الحب مكنش في بالي ولا بالك .
انت متعرفش انا قد ايه محتاجلك
كلمه منك .... لمسه منك
احس فيها بحنانك
انت جتلي منين ؟ ايه اللي جابك ؟
انت حبتني بجد ؟ ولا حلم في خيالك
قول و هصدق كلامك ...........
كل كلمه منك تحيي شبابي وشبابك
رجعت عمري وعيشتني في أحلامك
انا حبيتك اهوه بعترف واديني قدامك
انا هسكت سمعني انت كلامك
قلبك اختارني زي ما قلبي اختارك !!!
ازاي حبتني .. ؟
امتي خطرت علي بالك ؟
سهم رمشك ليه صابني من وسط عشاقك ؟
كنت خلفك مش امامك
كنت بتمنا في يوم اهتمامك
كنت بسرح كل يوم وقت مترمي سلامك
كنت انام وانا بسمع ضحكاتك
حبيت فيك غرورك حبيت فيك اختلافك
جوه بيتك سرقت صورتك
وجوه قلبي عالي مقامك
عشقت حتي غية حمامك
ليبسك .. نضارتك .. نوع برفانك
أخيرا عرفت اني دايبة فيك
اتأخر ليه عليا اعترافك
كل ثانية عشتها في بعدك
نار وقايدة في وسط دارك
لو تعرف قد ايه محتجالك
ليست هناك تعليقات:
إرسال تعليق