الأحد، 27 سبتمبر 2015

(((( دنيا الغلابه 2 )))) للكاتب عادل الشهابي


عادل الشهابى

دنيا الغلابه 2
نكمل يا ناس قصص الغلابه ...
أدى ست كبيره خارجه من دارها ...
قولنا نقرب ونعرف أخبارها ...
راحه فين يا ست الكل يا أصيله ...
ليه ماشيه فى الشمس وسايبه الضليله ..
قالت يا ناس أنا ربة عيله ...
عليا كتير يا ناس تكاليف ...
أشقى علشان أعرف أجيب ليهم الرغيف ...
ووقت ما يقولوا هات يكون معايا المصاريف ...
ليه ماشيه بس وماليكى الهم ...
ومحدش بحكايتك ليه مهتم ...
أصل خلاص يا ناس مبقاش فيه دم ..
وأدى ست الحزن هدها ..
مش عارفه تجهز بنتها ...
والظروف واقفها ضدها ...
رضيت وكتبت على نفسها شيكات ..
علشان تقدر تستر البنات ....
عايشه وفكرها مشغول ...
عن سداد الفلوس مين المسئول ...
ماهى ست ومفيش شغلانه ...
وفى حياتها كمان تعبانه ....
ربنا يكون معاها ومعانا ...
وأدى بنت ناس غلابه وشاطره فى التعليم ..
عاوزه تكمل لكن أبوها بيكسب ملاليم ....
علشان ظروفه تعليمها مش هتكمله ...
أخرها دبلوم وطموحها للفقر هتسلمه ...
يا ناس دنيتنا فيها كتير غلابه ...
نتمنى بكره تروح عنهم السحابه ...
بقلــــــم: عــــــادل الشــــــهـــابى
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)