انا مين انا فين
انا فى بحر السنين
مركب تايهة
بين الفراق والضنين
من غير قبطان
يرشدها البر فين
هايمة مع الامواج
مابين اهات وانين
بحلم ببر امان
لكن للطريق تايهين
مرت من جانبى سفينة
فيها اضواء وزينة
واصوات مرح وحكايات
بيها ياما غنينا
بثت فى روحى الامل
خلاص هارسى على مينا
لقيت الامواج دفعتنى
فى اتجاه غير السفينه
وقالتلى انتى ناسية انك
من غير قبطان ..انت لينا
ادركت ان الامل كان سراب
كيف لى ان ارسى على مينا
وقد رحل عنى قائدى
وتركنى للامواج رهينة
تدفعنى كما تشاء
فى ظلمة ليالينا
لم يعد لى
الا ذكريات شاطئى
وقت كنت على مينا
وقت كنت ارى الدنيا
منشغلة فى تحقيق امانينا
قبل ان يدور الزمن
ويغير لون ليالينا
بقلمى....#صمتالحنين
ليست هناك تعليقات:
إرسال تعليق