"ما استغناش" للشاعر الكبير --[مبروك البنا]--

مبروك البنا

*** "ما استغناش"
------------(اغنية)
*ليه الحيره ياقلبي بلاش
راح من بدري يا قلبي ماجاش
وزادت لهفة شوقك ليه
انا عن حبه مابستغناش
*مليت الحيره والأشواق
وروحي التايهه مع العشاق
وقلبي لنبض هواه مشتاق
انا عن حبه مبستغناش
*يا ورده بيضه منديه
يانسمه صابحه الفجريه
قوليله وانتي معديه
انا عن حبه مبستغناش
*من غيرك مش حاسه وجودي
في عز الربيع دابله ورودي
انا صبري اتعدي حدودي
وانا عن حبك مستغناش
*كتبت الشعر علشاني
تقول وتعيد بتهواني
ف لحظه تروح وتنساني
وانا عن حبك مستغناش
*عايش يا قلبي علي الذكري
يفوت يومين واقول بكره
ولو مجاش تكفي السكرة
وانا عن حبه مابستغناش
-------[مبروك البنا]-------