إبن القاضي هيطلع قاضى
إبن القاضي هيطلع قاضى والمتفوق خدام ليه
وابن الظابط يطلع ظابط وهندولو كمان تعظيم
ومحدش أحسن من حد أي والله بقولها بجد
إبن الريس قالها صريحة شعبنا ونا راح أبقى رئيسه
والأول ع الدفعة يغور ويشوفله فرسة وحنطور
والفقرا مالهمش مكان ون جابوا فوق التسعين
والأعيان دورهم محفوظ ون جابوا حتى الخمسين
تبقى الدولة كدا تتقدم ولا هنبقوا خدامين
هوا الفاشل لما يقودنا لازم نبقوا من الفاشلين
وكمان تبقى حياتنا دمار ونعيشوا دايما حيرانين
ماهو الحق بضيع ياخوانه والباطل هوا ال مسيطر
هوا الباطل يبني حضارة ولا يشيد فيها عمارة
ولا يعلم ولا يثقف لأ دا عايزنا نعيشوا جهال
علشان دايما نبقوا عبيد ونعيشوا زي الأنعام
يسحبنا لمنين مايروح محنا تركة وورثوهاله
علشان نبني بلدنا بجد لازم يحكم فيها الحق
ومحدش أولى من حد غير ال يكون صاحب حق
~~~محمود محمدي العجواني~~~
ليست هناك تعليقات:
إرسال تعليق