النهاردة قلت أكتب قصيدة شعرية
ومش مهم تكون حتى أبيات عمودية
ومش مهم تكون خاطره أو نثريا
وﻻ مربوطة بوزن وبحور علشان تكون
فصحى أو حتى عامية
المهم تمسح الدموع من عينيا
وسامحونى على الشخبطة والخبطة
شوية
أصل دى رسالة عاشق متيم بحب
إسكندرية
إلى السيد رئيس الجمهورية
بيشكى من المحافظ وشركة الصرف
الصحي والمياه
عن الدمار للى بيحصل كل سنة
وهى دى القضية
ولحد أمتى هنفضل فى إنهيار
السيول والأمطار الشتوية
ومسئولين مجرد صوره أمام
الأحداث اليومية
ﻻ عندهم ضمير وﻻ رحمه وﻻ قلبهم
سمعت عن إخلاص العمل فى الآيات
القرآنية
ومين للى هيتحاسب على التسيب
والأهمال وعدم المسؤلية
وفيضان بيدمر المحلات تجارية
وملايين ب تضيع وأهل المحافظة
هم الضحية
ده شعب إسكندرية الطيب صاحب
الأخلاق السامية
مش عارف راح تقراء رسالتى ياريس
وﻻ مش بتحب اللغة العربية
قلت أكتبها لك بكل اللغات الأجنبية
أنا عاشق متيم بحب إسكندرية
وياريت ياريس تخدها بهتمام شوية
وﻻ أعزفها ليك الحان فى أغنية
وﻻ أعمالها نشرة أخبارية
وﻻ رواية وحكايات وتائهتا فى
تمثلية
وﻻ فيلم و مشاهد دراميه
يمكن تنزل إسكندرية وتسمع
صرخت القلوب البشرية
يمكن تشعر ب عذاب أهل إسكندرية
هرجع وقولها تانى بكل الأمانى
أنا عاشق متيم بحب إسكندرية
~~~ طَـٌٍـارق الـسـيـد بـــلاســــى ~~~
ليست هناك تعليقات:
إرسال تعليق