))) مهيار والذيب ... ((( للشاعر مهيار الليل

الشاعر مهيارالليل

مهيار والذيب ...

عند الغروب و المهيار بحال.......رهيب
راح يدور على الوفاء باي........ وسيله

سريت من طريق والشمس....... ماتغيب
والهم بداخلي ادور على من ......يشيله

يا ذيب جيت أشكيلك الحال........ يا ذيب
جيتك وأنا مهيار يا ذيب نفسي..... عليله

مقبل عليك ومرتجي منك ..........ترحيب
ودي بقربك فوق راس........... الطويله

البارحه رتبت بالقاف............... ترتيب
ومن زود همي عدت قافي.... ب (شيله )

لا جيت أبكتب زاحمني........... المكاتيب
ويلاه من زود الهموم .............الدخيله

في هالزمن يا ذيب ما نفع........ الطيب
ولا تنفعك حتى الفعال........... الجميله

سيوف غدر البشر ما عني......... تخيب
تسكن حشا روحي ولو هي........ ثقيله

شمس الوفا غابت وما كانت........ تغيب
والناس تبحث عن طبايع ............بديله

والطيب أقفى بعد راعي....... المواجيب
وكلن على دربه مشى مع .........دخيله

والنفس بكت من شدت .. ......التعذيب
تشكي الى ربه يشيل ............الثقيلة

الشاعر مهيارالليل ...